一口氣睇左兩套 vcd…."世貿中心"好 sad 呀!! 不過好好睇! 睇到有一幕差 d 喊左出黎…
有一場係講個警察妻子, 正在等老公o係世貿被人拯救緊…她在醫院等消息…遇上一黑人女子跟她談話…那一段對話非常感人!!!
睇完"世貿"…個心真係好唔舒服! 仲記得當年我去過世貿, 見既係一座座大樓…第二次去既時候, 已經移為平地, 只有鐵絲網圍住塊爛地, 一張張相片…cards….flowers….記念語句…好多透明樽仔入面, 裝左字條….heros’ banners…十字架…絲帶……..
當時感受唔到有幾 sad…可能感覺太遙遠, 未知有幾慘…不過在場見到好多人喊…包括我媽媽….睇完套戲後, 完全感覺到當時發生既震憾!! 真係好慘好慘!!!! 尤其是為救人而犧牲既英雄!! 佢地真係好勇敢!!!! 致敬!!!! 
她相信承諾，喜歡一切美好的東西：漂亮的衣服、美味的食物、男人的諾言。她找尋幸福，然後發現，失望，有時候，也是一種幸福。 因為有所期待，才會失望。遺憾，也是一種幸福。因為還有令你遺憾的事情。她追尋愛情，然後發現，愛，從來就是一件千迴百轉的事。
踏入第十六日喇! 死守o係屋企第十六日!!!
原先諗住出街, 點知又落大雨!!! 仲要玩埋行雷閃電!! 天呀天~~你禁堅, 我唔出啦! 
今日再訓醒先啦! (而家係第十六日既 4:42am) 所以最多都係 15 日o者!! 
半個月既紀錄! 好勁!!!!! 
睇 vcd 先~~ 有新貨到! 
Bye~~~~
今日係第十四日完全冇出過屋企門口喇! 
我堅持~ 再堅持~ 為期最少 14 日啊~~~ (好無聊既目標 
)
原本打算尋晚落 Basement 慶祝樂文生日, 連 contact lens 都戴埋, 但最後都冇出到去。
又係一個字, "懶"!!!
Denley 望到我打: "一個字, 懶"…..佢話我講錯, 係兩個字先係: "超~~懶!" 死仔包… 
又係既, 我平時唔到餓死一刻都唔會打電話叫外賣…(因為唔想去打電話+講野嘛…通常都係推左俾佢幫我打電話去) 
我攤o係度睇電視, 但要佢去廚房摞野飲俾我、幫我叮野食、掉垃圾、遞薯片、雜誌、lotion、vcd 盒俾我揀睇邊套…再幫我入埋 vcd 播俾我睇….. 懶到癲!!
過左 24 號, 小妹妹已經三歲喇!!! 
YEAH~~ (佢真係超得意!)
好多女仔朋友都會問我咩化妝品牌子好用?? 點樣先化得靚靚??
可能係我做 model 既關係, 佢地會覺得我知得清楚 d 啦! 我確實係對化妝品算有 d 研究, (因為本人極度貪靚既關係! 亦通常會同其他 model 討論下, 交換下意見咁; 正所謂工欲善其事, 必先利其器嘛! 哈哈…)
不過我都唔算係太清楚喇…就用以我所知既, o係依度同大家分享下啦!
Laura Mercier 既妝前底霜幾好, 搽完日霜再搽依支, 上妝效果更好…會貼 d 又易上粉底。
$260/280 (唔係太記得)
我每次都o係 Lane Crawford 既 Laura Mercier 專櫃買….唔知金鐘 PP 既 Seibu 有冇專櫃呢?!
粉底、碎粉同出街補妝用既 2 way cake….一直以來我都係堅持用 Giorgio Armani!!! 十個惦!!!!!! 遮"霞"度高, 質地超正!! 不過唔好搽得太多, 好易過厚! (不過我要開工時會喪搽, 唔會滿面油光, 上鏡好得! ) 平時出街妝薄搽已 ok….切記!
粉底、碎粉、2 way cake 都差唔多價錢…. $300 幾 / $400 幾 (恕冇影到粉底, 有幾支…放唔晒一齊影, 一篇文章唔可以多過 7 張相, 會亂碼… 
)
雖然價錢略較其他品牌貴, 不過物有所值!!
而圖中支 MAQuillAGE (Shiseido) 係半年前去日本旅行時買…因為當時新出, 貪得意試下! 約$200 幾, 質地好薄幾好搽, (當然唔太遮"霞") 自然 look 就 fit 晒!
用 mascara…..本身一直都係 Lancome 死硬派 fans! 但自從其他 model 極力推介 Maybelline 後, 本住試下既心態買左支, 發覺真係超正!!!
乜野係又平又靚?! 佢真係表表者! 好用又夠防水! (當然唔係游水用啦! ) 一般情況下都唔會跌到變熊貓眼, 就算喪喊都冇問題! (本人飲醉酒時試過好多次 
)
兩支價錢都係 $100 以內。
先用 "XXL waterproof" o個支…搽完白色o個邊打底後, 再搽黑色。(黑色我會重覆搽多一次) 眼睫毛已密左好多!
再用 "sky high curves waterproof" 搽一次。(會更防水… 又可加長眼睫毛) 咁就變成又長又多眼睫毛既娃娃眼喇!
完成!!
如果想效果誇 d, 可試用假眼睫毛…不過我通常係懶/ 開工時先會用。
我o係"莎莎"買架…Gi & Gary $91…..一盒有十對。
貼上假眼睫毛待乾透後, 用眼睫毛夾, (Shiseido 正!! 好好夾, 適合眼形… 約$150) 將真假眼睫毛一齊夾起, 再用 "sky high curves wateproof" 搽一次。就係咁, 搞惦! 真假眼睫毛融為一體, 難分真與假~~~ 快靚正!
睫毛膠水依隻藍色字 DON 最好! 好似只得"天使"有得賣…價錢超平, 唔知 $19 定係 $29, 但可用好多好多好多好多次!!
遮"霞"膏暫時只知 Bobbi Brown 最好用, 多色選擇, 遮"霞"度高, 不過稍嫌質地太厚…用後會浮粉。
如各姊妹有好 choice, 話我知呀~~ 唔該唔該~~~
唔記得價錢… 大約 $200 幾/ $300幾一盒
唇膏就鐘情 Shu Uemura! 質地潤易上色! 一直用開冇轉過! 價錢又 ok 喎! $100 幾 /$200 幾?! 太抵買唔記得!
其實我係早期 Shu Uemura fans, 之前差唔多所有化妝品都係用佢! 雖然好多已變節用其他品牌, 不過落妝油同胭脂都依然堅持死守! 胭脂 stay 得耐, 色又多! $100幾/ $200一盒, 抵!
落妝油我用橙色依支, 貪佢落妝乾淨又快…..仲唔會敏感! (我好易皮膚敏感, 尤其是塊面) 試過用 SK2, 唔敏感呀, 不過落得一 d 都唔乾淨囉!
Shu Uemura 落妝油 450 ml大支裝…約 $500 幾
我好鐘意依支 Miss Dior Cherie 香水! 唔係因為佢氣味, 而係鐘意佢個樽! 好靚!! 有我鐘意既蝴蝶結! 我好鐘意買有蝴蝶結既衫褲鞋襪, 靚靚啊~~~ 
支香水雖然聞係好香, 不過噴落人到, 並不太香, 仲散都好快! 所以如果我o個日噴依支香水既話, 就會狂噴同狂補… 用得超快噢!! 攪到唔敢再用….怕會冇晒呀~~~~ 但又唔想再買過支喎…太貴喇, 唔值! 50 ml 要 $600 幾 $700!!! (舊年去旅行時o係開羅/ 中東某機場買, 我諗香港價錢都差唔多) 唔捨得用差唔多 $700 買支唔係禁香既香水啦!! 
近排有隊新組合幾鐘意! (其實我好少會鐘意任何一個歌手或甚麼甚麼明星) 叫 "HotCha"…由 3 個19-22歲少女組成的跳舞歌唱組合, 睇尋日勁歌金曲, 佢地真係幾得!!
外形唔錯, (起碼出 show 衫幾靚, 唔係低低BB 扮清純 d 玉女歌衫) 清新又 fit, 唔脅場, 首主打歌幾好聽, 跳舞好勁好好睇!! 唱 live 都 OK 喎!! (不過唔清楚係咪 background music 入面有加埋佢地把主唱+和聲, 所以跳得禁勁都冇唱到疾疾下) 真係可以留意下依幾個妹妹仔! 如無意外, 我估應該好快會紅。
哇哇~~ 今日溏心風暴劇情好緊張呀! 鮑爸個角色好慘!!! 真係好快會俾個細契激死喇…好唔想佢死呢!! 不過劇情需要, 唔死唔得啦! 可惜~~~~
睇住溏心,搽指甲油! 透明紛紅閃閃令, 好鐘意呀!!!
之前有做 Jel 甲, 不過俾我依個粗魯人隻隻假甲都整斷晒, 好鬼痛! 跟住忍痛再整番好佢, 整緊o個時係痛+"拿" 到入心!! 係因為我 d 假甲斷到入晒真肉, 損晒流血!
個整甲姐姐仲鬧到我飛起, 佢話做左禁多年假甲都未見過有人可以斷得禁誇張!! 所以佢幫我轉用最硬o個隻膠….到最後都係斷晒, 不過好 d, 冇入肉。於是放棄喇! 搽指甲油算數!!!
我今日搽依支 shu uemura #PA135
shu uemura 指甲油質地好好, 連實深色都好易搽!
我好多時都鐘意搽依支! 隻色好靚!!
不過依個牌子麻麻地好搽, stay 得又唔耐。
MAQuillAGE (SHISHEIDO) #RD 629
記得前排有個 friend, (其實已經唔止一個! ) 好奇問我,"我聽人講過, 話你之前o係酒吧到做, 係唔係真架???"
超級爆笑!!!!
我從來都冇o係酒吧做過野架!!!
點解可以傳到咁架??!!! 好攪笑! 我禁鬼懶又貪玩, 點會俾自己犧牲玩既時間去返工呀?!?! 除非係一個月返一日+好多錢啦!! 依個條件下既話, 我可能肯做既!
我諗我令人誤會既原因, 係因為我八掛多事囉…
好多時我見 bar 入面 d 侍應忙得滯唔得閒開 jar "威綠" 俾我, 我咪自己入吧頭開囉… 再順便溝埋"威soda"、"威水"俾 d friend 添! 有時飲到禁上下, 怕醉咪企入吧頭抖下, 同 d 人傾下計。
我去開既每一間bar, 係因為我同 bar 既老細 friend 先至去架, 同入面做 d 人好熟好 friend 既話, 我先會入吧頭攪事! 有時落去玩, 見佢地忙到甩肺滴晒汗做唔切…身為朋友, 幫下佢地手都冇問題啦! (而且溝酒其實都幾好玩..)
尤其係渣甸街 26 樓既 MUSE 呀! 我成日落去, 係因為我契姐開架! 我鐘意落去搵佢地玩下, "hair"下, 傾下計咁。久而久之, 基本上識晒所有MUSE d 客, 所以我成日周場飛, 檯檯玩下咁!
我可以叫做係一個拳手, 不過我係一個冇錢收既自由身拳手!
我不嬲有得玩就得架啦! I dont care 既呢!! hahahaaa~~ o係其他 bar 我都係周圍走、周檯玩呀!
哎喲~~~~ 原本打算今日出街街嘛! 點知睇睇下電視 "hair" 緊既時候突然睡魔急 call… 唔小心訓著左! 起身既時候已經為時已晚喇!!! 
嚇死我, 周圍黑媽媽…仲以為係半夜! 原來係夜晚 9 點o者~~~
不過都係因為懶既關係, 選擇左冇出去。 Yeah~~ 第 12 日完全冇出過屋企門口!! keep 住個 record 先!! 勁!! 簡直係個驚人創舉!!!!!!!!!!
於是又繼續番我個"獨立生活"。
首先有阿B 陪我睇電視..
佢睇得好投入呀!
見你乖乖, 送個 close up 俾你啦!
睇完電視…就打機+check email!
我依 d 咪 IT 人囉..同時要用兩部腦架!
跟住無無聊聊影下支超香既 J LO 香水。
姊妹們, 十級推介呀!!!!!
好開心呀~~~~~~~ 好好天呀!!!!! 滿載了歡欣~~ wo yeeaaaaah ooh~~~那是藍天與白雲~~~~
我係屬於夏天架!!!! 成個人生猛晒!!! 係時候出動喇!!! 哇哈哈~~~~
今日噴咩香水好呢?! 就用Paris 新出o個隻幻彩閃閃樽啦! 味道清新芳香, 最配合今日天氣喇!! 雨後陽光嘛~~~ 嘻嘻!! 充滿朝氣唷~~~
一切準備就緒!!! 出發去街街喇~~~ 有 d 重返人間既感覺! 好興奮喲~~~~~
仲諗住立下: "兩星期唔出街"既創舉添….失敗左!
P.S. 今次紀錄係: 10 1/2 日完全冇出過屋企門口
今日太子鐘錶又再打黎留言, (之前已經留左幾次言, 不過我都係死都唔肯覆) call 我 confirm 番整錶既價錢 O 唔 OK? 
你之前咪講左幾錢囉!!!!!!!!!!!! 拖左兩個月先叫我 confirm??!!!! 俾佢激死!!!! 於是逼 Denley 幫我打去講, (我懶到唔想打電話嘛!) 佢地仲話隻錶最少要等多個幾月先可以拎番……….. 真係嘔晒血!!!! 你地點做野架??!!!!!
不過我又係衰既, 隻 Philip Stein 買左唔夠個幾月, (話對身體好喎…所以我先買…查實都唔知堅定流.) 已經俾我由高空喪跌幾次… (好彩唔係 d 咩名錶咋!!) 太粗魯喇… 所以部部電話都係俾我跌壞殘廢收埸! 連隻堅硬既 Bvlgari 錶面個圈圈位置, 都俾我用唔駛三個月時間就俾我撞+跌到花晒… Cartier 玫瑰金介指 (應該都好硬下) 更花到無可再花!! 真係幾堅架我!!
最後隻可憐既 Philip 仔俾我再次由高空跌下, 即時爆左個錶面…. 唉~~~~ 戴左個幾月, 整番要等四個幾月!!! (普通話) "我的天喲~~~~~~" 好彩只係要整 $500, 唔係實肉赤死!!
今日睇報紙見到 Takuya 都戴住隻 Philip 仔! 哇~~~ 情侶錶呀!!
鈴 木 仁 見 醫 生 後 重 新 包 紮 傷 口 ， 拿 過 藥 後 表 示 明 天 需 要 覆 診 。
Takuya 真係可憐…. 佢個人禁 nice 禁好脾氣, 我唔相信佢係搞事o個個囉!!!!!!
之前見過佢十次倒, 佢無論係咩地方 (包括大街上、報刊studio、酒會function、餐廳、定係去蒲) 都溫文有禮!! 而我每次見到佢, 都有同佢傾計。(其實佢係好主動地捉住 d 人傾計, 男女都會捉, 勁 nice 架!!)
佢會好有耐性咁用盡一切辦法令人知道佢想講 d 咩, 包括 "英文"。(佢勁努力一路講, 一路諗好耐再重覆用第二種句子講, 勁有誠意要你明為止! 好正!! )
不可少得既身體語言。(勁 CUTE!!! 一個高大威猛既六呎型男, o係你面前狂做 d 傻氣表情+動作….有乜辦法會唔吸引人呀?!!)
單字/ 詞語式"中文"。 (但好多都聽唔明… 好似同佢玩估字遊戲咁…我試左講好多句中文詞語, 佢會"另"頭或點頭話我知估得中唔中, 中左就會話,"sor sor sor…" 再學我講多次句詞語, 叫我教佢再講多幾次, 講完跟住又係咁傻笑。 Cute 到暈!! )
佢成日都會傻笑, 好似 BB 仔咁, 得意到爆! 五觀又靚喎!! 癡線架… d 眼耳口鼻仲精緻過 d 女仔!! 所以第一次見完佢就勁有印像!
當時係兩年前, 佢仲未出名, o係 Dip/ 喜喜入面見到佢。(唔記得…因為跟住連續兩晚都有同佢玩) 佢係我個 friend 帶出黎既, 所以坐埋同一檯。
佢企係檯邊同人傾計, 好 sharp! 我仲癲左咁同阿珊講,"好靚仔呀~~好靚仔呀~~好靚仔呀~~好靚仔呀~~" 如同一個小 fans!! 阿珊都話,"OK 喎!" 我就 keep 住遠距離觀賞…
點知連我個 friend 都見到我狂睇, 就同我講,"過去介紹你識啦!" 不過我死都唔肯…禁肉酸!!! 痴線架咩?!!! 跟住佢拉左 Takuya 過黎!!!! 
勁 odd 囉!!!! 之後就同佢傾左半個鐘喇! 不過我估佢肯應酬我咁耐, 都係因為我個 friend 係佢老細o者!! 以為我係 d 咩重要人物啦! 哈哈~~~~
By the way… Takuya, 祝你早日康復!!! 小 fans 叻叻會繼續支持你!! (仲有多謝你曾經用好認真既表情同我講: "You! Kawaii!!!")
